जनकपुरधाम- धनुषामा होली मनाउने क्रममा अत्यधिक मादक पदार्थ सेवन गरी उच्छृङ्खल गतिविधि गर्ने ४ जनालाई प्रहरीले पक्राउ गरेको छ भने ६६ वटा सवारी साधनहरुलाई नियन्त्रणमा लिएको छ।
जिल्ला प्रहरी कार्यालय धनुषाका प्रवक्ता प्रहरी नायव उपरीक्षक जितेन्द्र बस्नेतको अनुसार मादक पदार्थ सेवन गरी उच्छृङ्खल गतिविधि गरेका ४ जनालाई पक्राउ गरिएको छ।
त्यसैगरी, जिल्ला ट्राफिक कार्यालय धनुषाका प्रमुख नवराज न्यौपानेले बिहानबाट जिल्लाभर ट्राफिक नियम उल्लंघन गरिएको आरोपमा कुल ६६ वटा सवारीसाधन नियन्त्रणमा लिइएको बताए ।
जिल्लामा कागजपत्रबिना मोटरसाइकल चलाएका ६६ सवारी साधनलाई ट्राफिक प्रहरीले नियन्त्रणमा लिएको छ । जसमध्ये मादक पदार्थ सेवन गरि मोटरसाइकल चलाएका २७ र तीन जना सवार भई मोटरसाइकल चलाएका ४२ सवारी साधन रहेको ट्राफिक कार्यालय प्रमुख न्यौपानेले बताए ।
ट्राफिक कार्यालय प्रमुख न्यौपानेले उपमहानगरपालिकाभित्र ट्राफिक नियम उल्लंघन गरेकाहरूलाई जरिवाना काटेर छाडिएको र मापसे गरेका चालकलाई नियन्त्रण मै राखिएको जनाए । उनले अन्यमा पक्राउ परेकाहरुको सम्बन्धित आफन्तको रोहबरमा कागजपत्र ल्याएर सवारी फिर्ता गरिएको जानकारी दिए ।
प्रतिक्रिया दिनुहोस् !