जनकपुरधाम : जनकपुरधामको धार्मिक स्थल राजदेवी मन्दिर अगाडी एक स्कूले किशोरीलाई चुम्बन गर्ने एक युवकलाई स्थानीय युवकहरुले धुलाई गरेको छ ।
प्राचीन मिथिलाको राजा जनककी कुलदेवी मानिने हिन्दुहरुको आस्थाको केन्द्र राजदेवी मन्दिर अगाडी एक युवकले एक स्कूल पढने किशोरीलाई जबरदस्ती चुम्बन गरेको देखेपछि स्थानीय व्यापारीहरुले उनलाई समातेर राम धुलाई गरेको छ ।
विहिबार दिउँसै राजदेवी मन्दिर अगाडी आफूलाई किशोरीको प्रेमी बताउने अन्दाजी बर्ष २० को एक युवकले किशोरीलाई सडकमै चुम्बन गरेको देखेपछि उनलाई धुलाई गरेको हो ।
पछाडी स्कूलको ब्याग बोकेकी एक किशोरी स्कूलै ड्रेसमा राजदेवी मन्दिरको मुख्य गेट उत्तरपट्टि उभिएको देखिएको छ । समाजिक सँजालमा सार्वजनिक भएको भिडियोमा किशोरीको ईच्छा विपरित युवकले चुम्बन गर्ने जबरदस्ती गरिरहेको छ ।
सो दृश्यलाई स्थानीय एक व्यापारीले भिडियो बनाउँदै युवकलाई समातेर धुलाई गरेको छ । त्यहाँ जम्मा भएका व्यापारीहरुले किशोरीलाई समेत दुई झापड हानेर घर पठाएको बताइएको छ ।
टयाबे जस्तो देखिने ती युवकले भिडियोमा देखिए अनुसार किशोरीलाई व्यस्त सडकमै मन्दिर प्राँगन नजिक समातेर चुम्बन गर्ने जोर जबरदस्ती गरिरहेको छ ।
व्यापारीहरुले भिडियो बनाएर मात्र युवकलाई समातेर धुलाई गरेको हो । नाम र ठेगाना नखुलाउने गरी ती युवकलाई पुनः सम्झाई बुझाई गरेर घर पठाएको हो ।
किशोरीलाई एक किलो अँगुर किनिदिएर उनलाई जबरदस्ती चुम्बनको प्रयास गरेको किशोरीले व्यापारीहरु समक्ष बयान दिएकी थिईन् । उनी दुवै जना प्रेमी प्रेमिका रहेको पनि खुलाए ।
जनकपुरधामको विभिन्न धार्मिक क्षेत्र, स्थलमा यस्ता प्रकारको गतिविधिहरु व्यापक रुपमा मौलाउँदै गएको छ । जानकी मन्दिर, विवाहमण्डपको पनि यस्तै भिडियो सार्वजनिक भएको छ ।
हिन्दुहरुको आस्थाको केन्द्र मानिने जानकी मन्दिर, राजदेवी मन्दिर, विवाहमण्डपमा नक्कली प्रेमी प्रेमिकाहरुले रासलीला गर्दा भिडियो समेत सार्वजनिक हुँदै आएको छ ।
यसप्रति न त यहाँका प्रशासनले ध्यान दिएको छ नत्र मन्दिर प्रशासनले नै ध्यान दिन सकेको छैनन् ।
प्रतिक्रिया दिनुहोस् !