ढल्केवर- धनुषाको मिथिला नगरपालिका २ स्थित श्री जनता माध्यमिक विद्यालय नक्टाझिजमा अध्ययनरत ५ छात्र छात्राहरुलाई विभिन्न अवार्ड प्रदान गरि सम्मान गरिएको छ।
आइतबार रामनवमीको अवसरमा जनता मावि नक्टाझिज कक्षा-९ ले आयोजना गरेको एसइइ परिक्षार्थीहरुको विदाई कार्यक्रममा विद्यालय प्रशासनले कक्षा-१० का पाँच जना विद्यार्थीलाई अवार्ड सहित गम्छा ,खादा ओढाएर सम्मान गरेका थिए।
यसरी सम्मानित हुने विद्यार्थीहरुमा कक्षा-१० मा सबैभन्दा बढि मार्क ल्याउने कृष्ण कुमार महतोलाई Hero of the Best Skill Reading and Studying student Award, पढाइ र अतिरिक्त क्रियाकलापहरुमा सहभागी भइ विधालयको लागि धेरै मेडलहरु जितेर ल्याउने Hero of the Best Extra activities and Studying student अर्वाडले सोनु कुमार राय राजपुत र विनिता कुमारी महतो, विद्यालयमा बाल क्लब समुह गठन गरेर विद्यार्थीहरुको समुह लिएर नेतृत्व गर्ने, विद्यालयको बारेमा राष्ट्रव्यापी रुपमा रेडियो, टेलिभिजन, अनलाईन मिडियाहरुमा विद्यालयको बारेमा लामो समय देखि कलम चलाएर लेख्दै आएका दिवेश कुमार महतोलाई Hero of the Best Technology and journalist student Award, र अनुसाशन तथा राम्रो व्यवहार, नियमित विद्यालय मा उपस्थिति हुने र पढाइमा पनि राम्राे रहेकी विद्या कुमारी महतोलाई Hero of the Best Discipline student Award ले सम्मान गरिएको छ।
यस विद्यालयमा प्रधानाध्यापक रुपको श्याम कुमार यादव आए देखि शिक्षकहरुलाई जागरुक बनाई उर्जावान र युवा टिम सहित विद्यालयको शैक्षिक क्रियाकलाप देखि खेलकुद र अतिरिक्त क्रियाकलापहरुमा विद्यार्थीहरुलाई अगाडि बढाउन प्रयास गर्दै आएकाछन्।
प्रअ यादवले सम्मानित हुने ५ जना विद्यार्थीले भोलि का दिनमा यस विद्यालयको नाम अझ चम्काउन सफल हुने बताए । उनले भोलिका दिनमा पनि हामीले विद्यार्थीको मुल्यांकन गरी सम्मान गर्ने प्रतिबद्धता व्यक्त गर्दै एसइइ का सम्पुर्ण विद्यार्थीहरुलाई शुभकामना व्यक्त गरे ।
प्रतिक्रिया दिनुहोस् !