अभिनेत्री आलिया भट्ट र अभिनेता रणवीर कपूर वैवाहिक बन्धनमा बाँधिएका छन् । अप्रिल १४ (विहीबार) आलिया र रणवीरले सात फेरे लिएका छन् । अप्रिल १३ (बुधबार) आलिया–रणवीरको मेहेन्दी सेरेमनी भएको थियो ।
आलिया र रणवीरको विवाहको सबै संस्कार ‘वास्तु’ मा पूरा भएको छ ।
उनीहरुले बिहीबार मुम्बईमा आफ्ना सीमित आफन्त र साथीभाइको उपस्थितिमा विवाह गरेका हुन् ।
विवाह समारोहमा कपुर र भट्ट परिवारका अलावा केही सीमित व्यक्तिको मात्रै उपस्थिति रहेको भारतीय सञ्चारमाध्यमहरुले जनाएका छन् ।
विवाहको विषयमा उनीहरुले अन्तिम समयसम्म पनि गोप्य राख्ने प्रयास गरेका थिए । जसका लागि उनीहरुले मिडियासँग समेत दूरी कायम गरेका थिए ।
३९ वर्षीय रणवीर र २९ वर्षीया आलिया विगत चार वर्षदेखि एकअर्कालाई डेट गरिरहेका थिए ।
आलिया र रणवीरको विवाहमा कपूर र भट्ट परिवार सहभागी भएका थिए । सामाजिक सञ्जालमा रणवीर कपूरकी बहिनी रिद्धिमा कपूर र आमा नीतु कपूरको तस्वीर सार्वजनिक भएको छ । नीतु कपूरको लुकको बारेमा कुरा गर्दा उनले बहुरंगी लेहेंगा लगाएकी छिन् भने रिद्धिमाले गोल्डेन कलरको पोशाक लगाएकी छिन् ।
त्यस्तै रणवीर कपूरकी कजिन करीना कपूर खान पनि श्रीमान् सैफ अली खानसँग विवाहमा सहभागी हुन पुगेकी थिइन् । यस क्रममा सैफ–करीनाको शाही शैली सामाजिक सञ्जालमा निकै भाइरल भइरहेको छ ।
आलिया र रणवीरको विवाहको संस्कार १३ अप्रिलमा सुरु भएको थियो । मेहन्दी समारोहमा पुगेका सेलिब्रेटीको तस्बिर सामाजिक सञ्जालमा निकै भाइरल भएको छ । आलिया र रणवीरको विवाहको मिति उनकी आमा नीतु कपूरले हिजो राति पुष्टि गरेकी थिइन् । फोटोग्राफरसँगको कुराकानीमा उनले आलियाको तारिफ गर्दै विवाहको पुष्टि भएको मिति बताए ।
रणवीर र आलियाको विवाहमा निकै ठूलो स्तरको सुरक्षा व्यवस्था गरिएको थियो । पाहुना र सुरक्षा गार्डका लागि छुट्टाछुट्टै ब्यान्ड तयार पारिएको थियो । यद्यपि यो विवाहको तस्वीर र भिडियोको सबैलाई उत्सुकता छ ।
विवाह स्थलदेखि विधिसम्मत सबै कुरा गोप्य राखिएको छ । प्रत्येक अतिथिलाई उक्त गोपनीयता कायम राख्न आग्रह गरिएको थियषे । कार्यक्रममा घरका सदस्यहरू बाहेक केही छानिएका पाहुनाहरू पनि थिए तर उनीहरूलाई पनि प्रतिबन्ध लगाइएको थियो । पाहुनाका फोन क्यामेरा बन्द गरिएका थिए ।-एबीपी न्युज
प्रतिक्रिया दिनुहोस् !