मधेश प्रदेशका मुख्यमन्त्री लालबाबु राउतले आफ्नै श्रीमतीलाई उपाध्यक्ष पदको उम्मेदवार बनाएका छन् ।
मुख्यमन्त्री राउतले श्रीमती जलेखा खातुनलाई पर्साको जगरनाथपुर गाउँपालिकाको उपाध्यक्षको उम्मेदवार बनाएका हुन् ।
खातुनले सोमबार गाउँपालिका उपाध्यक्षमा मनोनयन पत्र दर्ता गराएकी हुन् ।
जनता समाजवादी पार्टीबाट उनले पालिका उपाध्यक्षमा उम्मेदवारी दिएकी हुन् ।
सोमबार मात्र मधेश आन्दोलनका सहिद सोहन साह कलवारकी पत्नी विनिता साह कलवालाई जसपाले टिकट नदिएपछि उनले विवेकशील साझा पार्टीबाट वीरगन्ज १६ को वडा अध्यक्षमा उम्मेदवारी दिएकी छन् । जबकी सहिद पत्नि विनिता, २०७४ को निर्वाचनमा महिला सदस्यमा जसपाबाटै निर्वाचित भएकी थिइन् ।
पार्टी र राजनीतिमा सकृय नहरेकी खातुनलाई मुख्यमन्त्री राउतले आफ्नो जोडबलमा उपाध्यक्षको उम्मेदवार बनाएका हुन् ।
प्रतिक्रिया दिनुहोस् !