जनकपुरधाम – सर्लाहीको लालबन्दी नगरपालिकाको राजनितिमा नयाँ तरङ्ग पैदा भएको छ। नेपाली कांग्रेसका मेयरका उम्मेदवार बासुदेब अधिकारीको उम्मेदवारी पार्टीको केन्द्रबाट नै द्वारा फिर्ता गराइएको छ।
काँग्रेस सभापति शेरबहादुर देउवाको हस्ताक्षरित चिट्ठिी सर्लाही निर्वाचन अधिकृतको कार्यालयलाई माथि बाटै नै पठाइ काँगे्रसको मेयरका उम्मेदवार अधिकारीको नाम सूचिबाट हटाई दिन भनि पठाइएको छ ।
यता लालबन्दी नगरपालिकाको मेयर र उपमेयरमा नेकपा माओवादी केन्द्र र नेकपा (एकीकृत समाजवादी) पार्टीले चुनावी तालमेल गरिएको छ।
माओवादीले मेयर र समाजवादीले उपमेयर लिने गरी चुनावी तालमेल भएको हो । अब माओवादीबाट मेयरमा प्रल्हाद बुढाथोकी र उपमेयरमा समाजवादीबाट गोविन्द अधिकारी उम्मेदवार भएका छन् ।
दुवै पार्टीले मेयर र उपमेयरमा उम्मेदवारी दर्ता गराएका थिए । तर शुक्रबार माओवादीले उपमेयरको उम्मेदवार र समाजवादीले मेयरको उम्मेदवार फिर्ता बोलाएर चुनावी तालमेलको निर्णय गरेका हुन् ।
माओवादी केन्द्रबाट उपमेयरमा उम्मेदवारी दर्ता गराएकी सुमित्रा श्रेष्ठ र नेकपा (एकीकृत समाजवादी) को तर्फबाट मेयरमा उम्मेदवारी दर्ता गराएकी रमा पौडेलले शुक्रबार एकैसाथ उम्मेदवारी फिर्ता दिएका छन् ।
लालबन्दीमा यि दुई पार्टीबीच मनोनयन दर्ता अघि नै चुनावी तालमेलबारे बारम्बार छलफल भएपनि कुनै सहमती हुन सकेको थिएन् । अन्तिम समयमा आएर दुवै पार्टीका नेताहरुले मेयर, उपमेयरमा चुनावी तालमेलको निर्णय गरेका हुन् ।
माओवादी र समाजवादी बीचको तालमेलपछि लालबन्दीमा चुनावी प्रतिस्पर्धा थप रोमाञ्चक बन्ने भएको छ ।
यता लालबन्दीमा नेपाली कांग्रेसले मेयरमा बासुदेव अधिकारीलाई पार्टीले फिर्ता गराएपनि उपमेयरमा उम्मेदवारी दिएकी कल्पना पाख्रिन बारे केहि बोलेका छन्। यसरी सत्तारुढ दल बीच गठबन्धन कै कुरा गर्ने हो भने पनि मेयर र उपमेयर माओवादी र समाजवादीले बाडफाड गरेर तालमेल मिलाएपछि अब काँग्रेसले के गर्ने भन्नेमा लालबन्दी काँग्रेस रणभुल्लमा परेको नेता प्रशान्त आचार्यले बताए।
नेकपा एमालेले मेयरमा गोविन्द महत र उपमेयरमा सनसरिमाया थिङलाई उठाएको छ । यस अघि लालबन्दीमा एमालेले जितेको थिए ।
प्रतिक्रिया दिनुहोस् !