काठमाण्डौ । नेकपा माओवादी केन्द्रका अध्यक्ष पुष्पमकल दाहाल प्रचण्डलाई जुत्ता हान्छु भनेर सामाजिक सञ्जालमा लेख्ने व्यक्ति पक्राउ परेका छन्।
दाङको तुलसी उपमहानगरपालिका ३ का ५२ वर्षीय यज्ञबहादुर बुढालाई शनिबार प्रहरीले पक्राउ गरेको दाङका एसपी सुरेश काफ्लेले नेपालखबरलाई जानकारी दिए।
चितवनमा प्रचण्डको भाषणपछि उनले प्रचण्डलाई अब म जुत्ता हान्छु भन्दै फेसबुकमा लेखेको प्रहरीले जनाएको छ।
उनी माओवादीकै पूर्व कार्यकर्ता हुन्। तर पछिल्लो समय माओवादी त्यागेर अनलाइन सञ्चालन गर्दै आएका छन्। उनी यसअघि पनि पक्राउ परेका थिए।
यौन हिंसामा परेकी राउटे युवतीको तस्बिर र भिडियो सार्वजनिक गरेपछि उनी पक्राउ परेका थिए।
उनीमाथि विद्युतीय कारोबार ऐन, अन्तरगत कारबाही अगाडी बढाइएको एसपी काफ्लेले बताए।
गठबन्धनले आइतबार दाङमा आमसभा गर्दैछ। आमसभालाई सम्बोधन गर्न प्रचण्डसहित प्रधानमन्त्री शेरबहादुर देउवा लगायत गठबन्धनका शीर्ष नेताहरु जाने कार्यक्रम छ।
प्रतिक्रिया दिनुहोस् !