औरही (महोत्तरी)- नेपाली काँग्रेसका महामन्त्री गगन थापाले लोसपा अब हावा बिनाको पन्चर साईकल भएकोले मधेशी जनतालाई काम नलाग्ने भनेर टिप्पणी गरेका छन् ।
महोत्तरीको औहरी नगरपालिकामा नेपाली काँग्रेसका उम्मेदवार सुनिल कुमार यादवले आयोजना गरेको चुनावी सभालाई आईतवार सम्बोधन गर्दै महामन्त्री थापाले नेकपा एमालेका तत्कालिन अध्यक्ष केपी ओली नेतृत्वको प्रतिगमनकारी, संघियता, गणतन्त्र विरोधी सरकारलाई समर्थन गरेर लोकतान्त्रिक समाजवादी पार्टी(लोसपा)ले आफ्नो साख गुमाई सकेको दाबि गरे ।
मधेशी जनताको बलिदानी र संघर्षले प्राप्त भएको संविधान र संघियतालाई समाप्त गर्न लोसपाका शिर्ष नेताहरु सत्ता र व्यक्तिगत स्वार्थको लागि केपी ओलीसँग हात मिलाएर मधेशी जनताको जनभावनासँग खेलवाड गरेको बताउँदै महामन्त्री थापाले भने,‘ छेपारो जस्तो रंङ बदल्ने नेताहरुलाई पहिचान गर्ने अवसर यहि हो । तपाईहरु सचेत भएर मतदान गर्नु होला ।’
लोसपाले मधेशी जनताको मत लिएर मधेशी जनता विरुद्ध लाग्नेसँग साँठगाठ राख्ने भएकोले आफ्ना स्वाभिमान, सम्मान, पहिचान र विकासको लागि काँग्रेस वाहेकका पार्टीलाई मतदान नगर्न उनले आग्रह गरे ।
कार्यक्रममा औहरी नगरपालिकामा मेयर पदका उम्मेदवार सुनिल कुमार यादवले मधेसवादी दलहरुले मधेस र मधेशीलाई सिढि बनाएर सत्ताप्राप्ती गर्ने बाहेक अरु केहि गर्न नसकेको आरोप लगाए । मधेसवादी दलहरु तर्फ इंगित गर्दै उम्मेदवार यादवले भने,‘ तत्कालिन जसपाले मधेशी जनताको मत लिएर पार्टीका लागि दिन रात खट्ने नेता कार्यकर्तालाई वाईपास गरि आफ्ना नातेदार, श्रीमति, सम्धी लगायतलाई सांसद बनाएका हुन् । के लोसपाका लागि मधेशी जनता मतदान गर्न र पार्टीका झण्डा बोक्नको लागि मात्रै हो ?’
‘शरदसिंह भण्डारी तर्फ संकेत गर्दै औहरीमा अल्पसंख्यक भएर पनि पछिल्लो ४० वर्षदेखि वहुसंख्यक माथि शासन गर्ने एक व्यतिmले यहाँका जनताका लागि अहिले सम्म के गरेका छन् ? त्यसको मुल्याङकन हामीले कहिले गर्ने ? त्यसकारण पछिल्लो ४० वर्षको हिसाबकिताब गर्ने अवसर यहि हो । तपाईहरु सचेत र सर्तक रहेर मतदान गर्नु होला’ उम्मेदवार यादवले भने । आफुले साढे ४ वर्षको कार्यकालमा औहरी नगरपालिकाको चौतर्फि विकास गरेको उम्मेदवार यादवले दावि गरे ।
ग्रामिण क्षेत्रको नगरपालिका भएकोले आफुले शुन्यबाट सुरु गरेर अहिले सम्वृद्धि र विकासको पथमा नगरपालिकालाई अगाडी बढाउन बलियो अधार खडा गरेको बताउदै उम्मेदवार यादवले भने,‘ एक पटक पुनः सेवा गर्ने अवसर मागिरहेको छु । तपाईहरु मेरो पछिल्लो कार्यको मुल्याङकन गरि मतदान गर्नु होला ।’
कार्यक्रममा नेपाली काँग्रेसका केन्द्रिय सदस्य तथा पुर्व मन्त्री मेहन्द्र कुमार राय, काँग्रेसका प्रदेश सदस्य नरेन्द्र यादव, जिल्ला सचिव विरेन्द्र यादव, काँग्रेसका नेता डा. अशोक यादव, नगरसभापति योगेन्द्र यादव सहितका सभागिता रहेको थियो ।
प्रतिक्रिया दिनुहोस् !