काठमाडौं,
टिपरको ठक्करबाट काठमाडौंको कलंकीमा एक जनाको मृत्यु भएको छ।
बुधबार बिहान तीन बजेतिर टिपरले ठक्कर दिँदा मोटरसाइकल चालकको मृत्यु भएको हो ।
महानगरीय प्रहरी वृत्त कालीमाटीका प्रहरी नायव उपरीक्षक अनिलकुमार घिमिरेका अनुसार बा ५ ख ७३४५ नम्बरको टिपरले दिशाबाट आइरहेको बा ८० प ६३७३ नम्बरको मोटरसाइकललाई ठक्कर दिएको थियो।
टिपरको ठक्करबाट घाइते भएका मोटरसाइकल चालक धादिङ धुनिवेशी नगरपालिका–२ का दिवाकर अधिकारीको उपचारको क्रममा महाराजगन्जस्थित त्रिवि शिक्षण अस्पताल मृत्यु भएको हो ।
टिपर र टिपर चालक लीलाबहादुर तामाङलाई नियन्त्रणमा रहेको र यस सम्बन्धमा थप अनुसन्धान भइरहेको प्रहरीले जनाएको छ।
प्रतिक्रिया दिनुहोस् !