जनकपुरधाम- दुधको ट्यांकरबाट युरिया मल बरामद गरिएको छ ।
दुध बोक्ने ट्यांकरमा लुकाएर ल्याउँदै गरेको अवस्थामा सशस्त्र प्रहरीले सर्लाहीबाट युरिया मल बरामद गरेको हो ।
सर्लाहीको बागमती नगरपालिका वडा नम्बर २ स्थित गुम्बा चोकबाट शंका लागि चेकजाँच गर्दा ना६ख१०६६ नम्बरको दुध बोक्ने ट्यांकर सशस्त्र प्रहरीले नियन्त्रणमा लिएको छ ।
सहायक प्रहरी निरीक्षक योगराज थापा नेतृत्वको मोवाइल टोलीले चेकजाँच गर्ने क्रममा ट्यांकर भित्रका ३ खण्डमध्ये १ खण्डमा २५ बोरा युरिया मल फेला परेको सशस्त्र प्रहरीले जनाएको छ ।
बरामद युरिया मलको २५ हजार र २० लाख मूल्य बराबरको गाडी नियन्त्रणमा लिई भन्सार बुझाउने प्रक्रियामा रहेको सशस्त्र प्रहरीले जानकारी दिएको छ ।
प्रतिक्रिया दिनुहोस् !