औरही । महोत्तरीको सोनमा गाँउपालिकाको अध्यक्ष पदका लागि निवर्तमान अध्यक्ष रहेका राज कुमार यादवले पुनस् उम्मेदवारी दर्ता गराएका छन् ।
सत्ता गठबन्धनको तर्फबाट अध्यक्ष पदका लागि जनता समाजवादी पार्टी (जसपा) बाट राज कुमार यादव र नेकपा माओवादी केन्द्रबाट दामोदर साहले उम्मेदवारी दर्ता गराएका छन् ।
सोमबार गाउँपालिकामा रहेको सभा हलको कार्यालयमा स्थापित निर्वाचन कार्यालयमा पुगेर गठबन्धनको तर्फबाट यादव र साहले उम्मेदवारी दर्ता गराएका हुन् ।
उम्मेदवारी दर्तापछि संक्षिप्त प्रतिक्रिया दिंदै उनले सोनमा गाउँपालिकाको समृद्धि, पहिचान र विकासका लागि आफूले उम्मेदवारी दिएको बताए ।
साथै सोनमा गाउँपालिका वडा नम्बर १ का वडाध्यक्ष पदका लागि जनता समाजवादी पार्टी (जसपा) बाट अशोक कुमार यादवले उम्मेदवारी दर्ता गराएका छन् ।
प्रतिक्रिया दिनुहोस् !