धनुषा- धनुषाको क्षिरेश्वरनाथ नगरपालिकाका लागि नेकपा एकिकृत समाजवादीबाट मेयरका उम्मेदवार शिव शंकर प्रसाद सिंहले विकास र परिवर्तनका लागि आफुलाई मतदान गर्न जनसमुदायमा अपिल गर्नुभएको छ ।
मैले देश विदेशको अनुभव, विकास र उच्च शिक्षा हासिल गरेको छु, अहिले युवा छु, मेरो सोच आफनो पालिका, आफनो जिल्ला र देश बनाउने सपना रहेकाले आफुमाथि विश्वास गर्न आग्रह गर्नुभयो ।
शिरीष संग संक्षिप्त कुराकानीमा मेयर पदका उम्मेदवार आफु जनताको घर घरमा पुगि रहँदा जनताहरुमा उत्साह देख्न पाउँदा आफुलाई हौसला प्राप्त भएको बताउनुभयो । युवा, वृद्ध, बुद्धिजिवी, महिला, सवैले युवालाई नेतृत्वमा ल्याउनुपर्ने बताइ रहँदा अहिलेका क्षिरेश्वरनाथ नगरपालिकामा नेतृत्व परिवर्तन हुन जरुरी रहेको उम्मेदवार सिंहको बुझाई छ ।
उम्मेदवार सिंहले आफु पनि किसान परिवारबाट आवद्ध रहेकाले जनताको समस्या, सिंचाई, हाट बजारलगायत आफुले शिक्षा आर्जन गर्दा भोगेका समस्या, चुनौती, स्वास्थ्य क्षेत्रमा देखिएको अभाव, पर्यटनलगायतको क्षेत्रमा न्युनतम आधारभुत कुराहरु तयार गरि जनताहरुको घरदैलोमा विकासको अनुभुति दिलाउन सदैव सक्रिय रहने बताउनुभयो ।
उम्मेदवार शिवशंकर प्रसाद सिंहले समृद्ध विकासका लागि दिर्घकालिन योजना आफुसँग रहेको बताएका हुन् । स्थानिय तह निर्वाचनका लागि यही वैशाख १६ गतेदेखि सुरु भएको नेकपा एकीकृत समाजवादीले क्षिरेश्वरनाथ नगरपालिकाको चुनावी घरदैलो अभियानमा उम्मेदवारहरु आ–आफ्नो क्षेत्रमा रहेका मतदाताहरुको घरघरमा पुगेर यसपटक कलम छापमा मोहर लगाई विजयी गराउन आग्रह गर्दै आफुहरुले जितेमा आर्थिक, सामाजिक, शिक्षा, स्वस्थ्य, पुर्वाधार विकासलगायत क्षेत्रमा उत्कृष्ट काम गर्दै नगरलाई नमुना बनाउने प्रतिबद्धता जाहेर गरेका गर्नुभयो ।
प्रतिक्रिया दिनुहोस् !