सर्लाही। ​सर्लाहीमा डेढ लाख घुस सहित दुई वडासदस्य अख्तियारको नियन्त्रणमा परेका छन् । उपभोक्ता समितिले गरेको काम सम्पन्न भएको सिफारिस वापत दुई वडा सदस्यले डेढ लाख घुस माग गरेका थिए । अख्तियारको टोलीले ईश्वरपुर नगरपालिका वडा नं. ११ का वडा सदस्यद्वय सोनेलाल साह र उमेश रायलाई घुस लिइसकेको अवस्थामा नियन्त्रणमा लिएको हो । दुवैजनालाई सर्लाहीको लालबन्दी नगरपालिका वडा नं. ७ स्थित सोनेलाल साहको कृष्ण इन्टरप्राइजेजबाट घुस रकम सहित नियन्त्रणमा लिइएको हो । यस सम्बन्धमा थप अनुसन्धान भइरहेको अख्तियारको कार्यालयले जनाएको छ