महोत्तरी - महोत्तरीको मटिहानी नगरपालिका नगर प्रमुख हरि प्रसाद मण्डलले खेलकुद क्षेत्रको विकासमा पालिका कटिबद्ध रहेको बताएका छन् ।

मटिहानी नगरपालिकाको आयोजनामा शुरू भएको दुई दिने राष्ट्रपति रनिङ्गशिल्ड प्रतियोगितामा पालिकाका पाँचै वटा विद्यालय सहभागी रहेका छन् ।

दुई दिने सो प्रतियोगितामा भलिवल, एथ्लेटिक्स, रनिङ्ग र कपर्दी लगायतका खेलहरु आयोजना गरिएको छ ।

कार्यक्रममा मटिहानी नगरपालिका वड़ा नं . ७ का वड़ा अध्यक्ष जीतनारायण माझी, वड़ा नं . ८ का वड़ा अध्यक्ष गणेश प्रसाद, वड़ा नं . १ का वड़ा अध्यक्ष शिवशंकर कुमार राय, वड़ा नं . ४ का वड़ा अध्यक्ष मईनुद्दीन राईन, पूर्व गाविस अध्यक्ष राम कुमार मण्डल, शिक्षा संयोजक श्री चन्देश्वर साह, विद्यालयका व्यवस्थापन समितिका अध्यक्ष र प्र.अ.कलीम अन्सारी, नागेन्द्र लाल कणर्, मोसाफिर सहनी, मोहन सहनी, हेमचन्द्र मिश्र लगायतका सहभागी रहेका थिए ।