जनकपुरधाम- धनुषाको क्षिरेश्वरनाथ नगरपालिका वडा नम्बर–८ को वडा कार्यालयमा कसैले आगजनीको प्रयास गरेको छ ।

बिहीबार राति करिब १२ देखि २ बजेको बीचमा अज्ञात समूहद्वारा सीतानगर स्थित वडा कार्यालयको भवनको ढोकामा मोबिल छर्केर आगो लगाउने प्रयास गरिएको इलाका प्रहरी कार्यालय महेन्द्रनगरले जनाएको छ ।

प्रहरीका अनुसार वडा कार्यालयको ढोकामा लगाइएको ताला समेत फोड्ने प्रयास भएको थियो । वडा कार्यालयमा ठुलो क्षति नपुगेको प्रहरीले जनाएको छ ।

घटनामा संलग्न रहेको आरोपमा इलाका प्रहरी कार्यालय महेन्द्रनगरले एकजनालाई नियन्त्रणमा लिएको प्रहरीले जनाएको छ ।