इटहरी - उत्तेजित अभिब्याक्ती कै कारण पटक पटक विवादमा तानिएका हिन्दु गुरु श्री निवासाचार्य सुनसरीबाट पक्राउ परेका छन् । धनुषामा गौ हत्या विरुद्ध उत्तेजक अभिब्याक्ती दिएर धार्मिक द्वन्द्व फैलाएको अभियोगमा उनलाई प्रहरीले बुधवार पक्राउ गरेको हो । सुनसरी प्रहरीका अनुसार उनलाई प्रकाशपुर स्थित आश्रमबाट नियन्त्रणमा लिइएको र बुधवार धनुषा लगिने छ ।

एक हप्ता अघि धनुषामा आयोजित धार्मिक सभामा उनले विवादित अभिब्याक्ती दिएका थिए । सोही अभिब्याक्ती कारण जिल्ला प्रहरी कार्यालय धनुषाले पक्राउ पुर्जी जारी गरेपछि उनलाई प्रकाशपुर स्थित आश्रमबाट नियन्त्रणमा लिइएको जिल्ला प्रहरी कार्यालय सुनसरीले जानकारी दिएको छ ।