भैरहवा- लुम्बिनी प्रेस क्लब, भैरहवा को सातौं बार्षिक साधारण सभा शनिबार रुपन्देही को रोहिणी गाउँपालिका वडा नम्बर. २ मा रहेको गौतम बुद्ध सामुदायिक वन मा सम्पन्न भएको छ । प्रेस क्लव ले साधारण सभा को साथै वनभोज कार्यक्रम पनि गरेको थियो।

नेपाल पत्रकार महासंघका केन्द्रिय अध्यक्ष बिपुल पोखरेलले सो कार्यक्रम मा पत्रकारहरु आफ्नो पेशा प्रति सधै ईमान्दार भई लाग्नु पर्ने र लुम्बिनी प्रेस क्लब नेपालमै उत्कृष्ट पत्रकारहरुको संस्था भएकोले पनि यसले यस क्षेत्रको समृद्धिका लागि सबै पक्षसंग सहकार्य गर्न आवश्यक रहेको बताउनु भएको छ ।

साधारण सभाको बन्द सत्रमा क्लबका कोषाध्यक्ष राधेश्याम विश्वकर्माले पेश गरेको आर्थिक प्रतिवेदन, महासचिव शंकर प्रसाद पाण्डेले पेश गरेको बार्षिक प्रतिवेदन सभाले पारीत गरेको थियो ।

कार्यक्रम क्लबका कार्यवाहक अध्यक्ष कमल रायमाझीको अध्यक्षता, नेपाल पत्रकार महासंघका केन्द्रिय अध्यक्ष विपुल पोखरेलको प्रमुख आतिथ्यतामा सम्पन्न भएको साथै नेपाल पत्रकार महासंघ लुम्बिनी प्रदेशका महासचिव विक्रम खड्का, प्रमुख जिल्ला अधिकारी गणेश अर्याल, सिद्धार्थनगर नगरपालिका का उप–प्रमुख उमा अधिकारी, रुपन्देही प्रहरी प्रमुख भरत बहादुर विश्वकर्मा, शसस्त्र प्रहरी प्रमुख दिपक कुमार थापा, रोहिणी गाउँपालिका अध्यक्ष बिद्या प्रसाद यादव, पूर्व अध्यक्ष सनोज कुमार यादव, सिद्धार्थनगर नगरपालिकाका पूर्व प्रमुख हरि प्रसाद अधिकारी, रोहिणी वडा नम्बर. २ का वडा अध्यक्ष करम हुसेन खाँन, सिद्धार्थ उद्योग बाणिज्य संघका अध्यक्ष ठाकुर कुमार श्रेष्ठ लगायतको सहभागीता रहेको थियो । क्लबका महासचिव शंकर प्रसाद पाण्डेको सञ्चालन एवम उपाध्यक्ष श्याम शंकर पाण्डेको स्वागतमा कार्यक्रम सम्पन्न भएको थियो ।