महेन्द्रनगर- भारतको अयोध्यामा सोमबार भएको राममन्दिरको प्राण प्रतिष्ठाको सुखद अवसरमा धनुषा क्षीरेश्वरनाथ नगरपालिका इच्छापुर स्थित एक कार्यक्रममा जेष्ठ नागरीकहरुलाई सम्मान गरिएको छ ।

नेकपा समाजवादी पार्टीका यूवा नेता क्षीरेश्वरनाथ नगरपालिका वडा नम्बर ८ निवासी शिवशंकर प्रसाद सिंह समाज प्रति आफनो दायित्व निर्वाह गर्दै बुधवार जेष्ठनागरीहरुलाई सम्मान गरेका हुन् ।

क्षीरेश्वरनाथ नगरपालिका भित्र बसोवास गर्ने गरिब, असाह्यहरुलाई आफनो व्यक्तिगत तर्फबाट यूवाहरुको आग्रहमा विभिन्न सहयोग गर्दै आइरहेका सिंह वडा नम्बर ८ दिगम्वरपुरका सियाशरण महतोलाई पनि नगद सहयोग गरेका हुन् ।

त्यस्तै स्थानिय सतिश कुमार झाका अनुसार विगत दिनमा पैसाको कारण अस्पतालबाट डिसर्चाज हुन नपाएका, पैसाको कारण विरामीहरु उपचार गराउन नसकेको, आर्थिक अवस्था कमजोरको कारण क्रिया खर्च वापत पनि समय समयमा विभिन्न व्यक्तिहरुलाई केही न केही सहयोग गर्दै आइरहेका समाजसेवी मध्यका एक नाम शिव शंकर प्रसाद सिंह रहेको बताए ।

सिंहका अनुसार आफू समाज प्रतिको दायित्व बुझि विगत दिनमा पनि विभिन्न सहयोग गरेको र आउनेदिनमा पनि आफबाट हुने सहयोग जारी नै राख्ने बताए ।