जनकपुरधाम- धनुषामा आज एका विहानै सडक दुर्घटना हुँदा एकजनाको मृत्यु भएको छ भने पाँच जना घाईते भएका छन् ।

ढल्केवर-जनकपुर राजमार्गको सपही सडक खण्डमा भएको सो दुर्घटनामा परि मृत्यु हुनेमा महोत्तरीको भंगहा नगरपालिका ९ बस्ने दीपक यादव रहेको इलाका प्रहरी कार्यालय महेन्द्रनगरले जनाएको छ । दुर्घटनामा परि घाईते यादवकोे उपचारको क्रममा प्रादेशिक अस्पताल जनकपुरमा मृत्यु भएको प्रहरीले जनाएको छ ।

अन्य घाइते पाँचजनाको प्रादेशिक अस्पतालमा नै उपचार भइरहेको छ । उनीहरुको नाम भने अहिले नखुलेको प्रहरीले जनाएको छ ।

आज बिहान ५ बजे ढल्केबर- जनकपुर राजमार्गको लक्ष्मीनिया गाउँपालिका स्थित सपही सडक खण्डमा स्कारपिओ पिकअप अनियन्त्रित भएर पुल निर्माणको लागि खनिएको खाल्डोमा खसेर दुर्घटना भएको हो ।

तिव्रगतिमा ढल्केबरबाट जनकपुर तर्फ आउँदै गरेको सरकारी नम्बरप्लेट ज २० ०२ ०००१ ख ००३५ नम्बरको स्कारपिओ पिकअप डाइभर्सनबाट नगइ अनियन्त्रित भएर पुल निर्माणको खनेको खाल्डोमा खसेर दुर्घटना भएको प्रहरीले जनाएको छ ।