सप्तरी । सप्तरीमा पोखरीमा डुबेर एक बालकको मृत्यु भएको छ । जिल्लाको रुपनी गाउँपालिका वडा नम्वर १ नकटीरायपुर टोलमा शुक्रबार ११ बजेको समयमा पोखरीमा डुबेर एक बालकको मृत्यु भएको हो । स्थानीय अबधी राम यादवका ६ बर्षिय छोरा युबराज कुमार यादबको पोखरीमा डुबेर मृत्यु भएको प्रहरीले जनाएको छ । आफ्नै घरको छेउमा रहेको मुखिलाल यादवको माछा पोखरीमा बच्चाहरु संग खेल्ने क्रममा उक्त पोखरीमा डुबेर मृत्यु भएको जिल्ला प्रहरी कार्यालय सप्तरीका प्रवक्ता एवं डिएसपी माधव प्रसाद काफलेले जानकारी दिए । पोखरीमा डेबर घाईते बालकको उपचारको लागी अस्पताल लैजादै गर्दा बाटैमा मृत्यु भएको प्रहरीले जनाएको छ ।मृतक बालकको शव पोष्टमार्टमको लागी राजबिराज स्थित गजेन्द्र नारायण सिंह अस्पताल पठाईएको छ । घटनाको बारेमा थप अनुसन्धान भईरहेको प्रहरीले जनाएको छ ।