महोत्तरी -  महोत्तरीमा एक असहाय परिवारलाई खाद्यान्न सहयोग गरिएको छ ।

वल्र्डभिजन इन्टरनेशनल नेपालको सहयोगमा समाज बिकास केन्द्र महोत्तरीलें सम्सी गाउँंपालिका–५ संग्रामपुर स्थित नारायण मल्लिक डुमका परिवारलाई खाद्यान्न लगायतको राहत सामाग्री सहयोग गरेको हो ।

डुमको कष्टकर जीवन बिताइ रहेको समाचार शुक्रवार शिरीष न्युजडटकम लगायत विभिन्न संचार माध्यममा प्रकाशित भएपछि संस्थाले खाद्यान्न तथा बन्दोबस्तीका सामान सहयोग गरेको हो । ती असहाय परिवारलाई खान पुग्ने एक महिनाको चामल, दाल नुन, तेल लगायत खाद्यान्न सहयोग गरिएको हो ।

६० किलो चामल, ६ किलो दाल, ४ लिटर तेल, ४ पोका नुन, ४ किलो चीनी, २ क्वीन्टल दाउरा, ८ थान हात धुने साबुनलगायको खाद्यान्न तथा अतिआवश्यक साम्रागी सहयोग गरेको समाज विकास केन्द्रका कार्यक्रम संयोजक शेष अर्सदले जानकारी दिए ।

उनका अनुसार दुईवटा भान्छामा पुग्ने भाँडाकुँडा (किचेन सेट), चारवटा त्रिपाल, दुईवटा सोलार बत्ति सेट, ओछयान लगायत सामान पनि सहयोग गरेको हो ।