ढल्केवर, धनुषा धनुषाको ढल्केवरमा विभिन्न पार्टी परित्याग गरी ठुलो संख्यामा नेपाल कम्युनिष्ट पार्टी एकीकृत समाजवादीमा प्रवेश गरेका छन् । शनिवार ढल्केवरमा आयोजित वडा भेलामा विभिन्न पार्टी परित्याग गरी करिब दुईसयको संख्यामा एकीकृत समाजवादीमा प्रवेश गरेका हुन् । नेकपा एमाले परित्याग गरी एसमा प्रवेश गरेका सर्वनाथ महतोको नेतृत्वमा उनीहरु प्रवेश गरेको हो । पार्टी प्रवेश गर्नेहरुमा मिथिला उद्योग वाणिज्य संघ ढल्केवरका अध्यक्ष तेजनारायण साह(संतोष), मिथिला ब्याडमिन्टन क्लबका उपाध्यक्ष विशेश्वर साह, विपुल कुमार महतो, सुनिल कुमार सिंह, मंजय कुमार महतो, रघुनाथ महतो, रघुविर महतो, सुदर्शन महतो, मंजय महतो, संतोष साह, हुुकुम महतोलगायतका रहेका छन् । नवप्रवेशीहरुलाई कार्यक्रमका प्रमुख अतिथी पार्टीका स्थायी समिति सदस्य शत्रुधन महतोले चुनाव चिन्ह कलम अंकित गम्छा र अविर लगाएर पार्टीमा स्वागत गरेका थिए । पार्टीका वडा नं ६ का अध्यक्ष भीमराज शर्माको अध्यक्षतामा आयोजित भेलाले ६१ सदस्य वडा कमिटी गठन गरिएको पार्टीका नेता रामऔतार महतोले जानकारी दिए । गठित समितिमा सबैजना सदस्य रहेको उनले जनाए । कार्यक्रममा विशिष्ठ अतिथी पार्टीका पोलिट ब्यूरो सदस्य एवं धनुषा जिल्ला इन्चार्ज सुधिर प्रसाद साह, धनुषा सचिव सोमप्रसाद शर्मा, पार्टीकी नेतृ बबी महतो, मिथिला नगरपालिका–२ का वडाअध्यक्ष विहारी महतो, नेकपा माओवादी केन्द्रका नगर अध्यक्ष राम कुमार महतोलगायतका अतिथीहरुको उपस्थिती रहेको थियो ।