ढल्केवर, धनुषा धनुषाको ढल्केवरमा जारी दोस्रो औधोगिक व्यापार मेला महोत्सवमा आज (शनिबार) नेपाली पप गायक तथा र्यापर समीर धिसिङ्ग (भिटेन) आउने भएका छन् । आधुनिक नेपाली पप गायक तथा उदीयमान र्यापर भिटेन महोत्सवमा आफ्नो प्रस्तुती देखाउन ढल्केवर आउन लागेको आयोजक थुप्तेन युवा क्लवका अध्यक्ष धावा लामाले जानकारी दिनुभयो । महोत्सवमा गायक भिटेनले एक दर्जन चर्चित र्याप गीत प्रस्तुत गर्ने अध्यक्ष लामाले बताउनुभयो । ढल्केवर महोत्सवमा अहिलेका चर्चित र्यापर भिटेन आउने खबरले यहाँका दर्शक उत्साहित देखिएको उहाँले जानकारी दिनुभयो । पुस ४ गतेसम्म चल्ने औधोगिक व्यापार मेलामा कृषि, पर्यटन, उद्योग, व्यापार एवं सूचना प्रविधिको बृहत प्रदर्शनीमा राखिएको छ । धार्मिक, पर्यटकीयस्थलको चिनारी, कला, संस्कृती, घरेलु हस्तकला तथा लघु उद्यमका उत्पादनको पनि मेलामा प्रदर्शन गरिएको अध्यक्ष लामाले बताउनुभयो ।