गौशाला- गौशाला नगरपालिका – ४ मा विरता स्पोर्टस क्लव गौशालाको आयोजनामा आज देखि प्रदेश स्तरीय फुटबल प्रतियोगिता संचालन भएको छ ।

सो खेलको उद्घाटन गौशाला नगरपालिका वडा ४ का वडा अध्यक्ष रामबाबु साहले गरेका थिए । साहले दिपप्रज्वलन गरी मार्चपास गरी खेल संचालन भएको थियो ।

उक्त खेलमा २६ टीम सहभागी हुने भएको छ । आजको पहिलो खेलमा श्री सुर्यदिप युवा क्लव, सर्लाही र पंचधुरा यूवा क्लव माईस्थान, महोत्तरी बीच भएको हो ।

सो खेल शुरु भएको लगभग २०मी। पछि पहिलो गोल र ब्रेक पछि दोश्रो गोल लगाई श्री सुर्यदिप युवा क्लव, सर्लाही ले पंचधुरा यूवा क्लव माईस्थान, महोत्तरीलाई दुई गोलले पराजित बनाएका थिए ।

पहिलो गोल विक्की चौधरी जर्सी नं. २ ले लगाएका थिए भन्ने दोश्रो गोल मनिष सिंह जर्सी नं. १२ ले लगाएका थिए ।प्रतियोगितामा प्रथम पुरस्कार कप, प्रमाण पत्र , मेडल सहित नगद ६० हजार, दोस्रोलाई कप प्रमाण पत्र मेडल र नगद ३० हजार र म्यान अफ द टुर्नामेन्टलाई नगद २ हजार , त्यसै गरि बढि गोल गर्ने खेलाडीलाई नगद १५ सय प्रदान गरिने विरता स्पोर्टस क्लव गौशालाका सचिव इन्दल कुमार राउतले बताए ।खेल समाप्त भए लगतै विरता स्पोर्टस क्लव गौशालाद्वारा पन्ध्रजना पत्रकारलाई भेष्ट लगाई सम्मान गरेका थिए ।