महोत्तरी।पूर्वपश्चिम राजमार्ग अन्तर्गत सिरहाको मिर्चैयामा आज एक्का विहान पुनः एउटा ट्रकमा आगजनी गरिएको छ ।बतहा खोलाको पुलमै ना ४ ख १००९ नम्बरको ट्रकमा अपरिचित व्यक्तिको समूहले विहान करिब पाैने ६ बजे आगजनी गरेको हो ।आगजनीबाट ट्रक पूर्णरुपमा क्षतिग्रस्त बनेको छ । आगजनीमा राजमार्ग अवरुद्धको घोषणा गरेका जनमत पार्टीकै कार्यकर्ताको संलग्नता रहको हुनसक्ने प्रहरीको अनुमान छ ।ईलाका प्रहरी कार्यालय मिर्चैयाका डीएसपी हरि ओलीले चालकलाई कु टपिट गरी ट्रकमा आगजनी गरेको जानकारी दिए । उनका अनुसार घाइते चालकको अहिले उपचार भइरहको छ । आगजनी जनमत पार्टीकै कार्यकर्ताले गरेको अनुमान छ ।जनमत पार्टीले यसअघि पनि सप्तरी र सिरहामा एक एक वटा ट्रकमा आगजनी गरिसकेको छ ।धनुषाको पोर्ताहामा प्रहरीले हिजो आन्दोलनकारीमाथि गो ली चलाएपछि उनीहरु सशक्त आन्दोलन गर्ने बताएका थिए ।