महोत्तरी - महोत्तरीको गौशलामा आयोजित प्रदेश २ स्तरीय फुटवल प्रतियोगिताको उपाधी आयोजक विरता स्पोर्ट्स क्लवले आफ्नो कब्जामा लिन सफल भएको छ।

गौशाला नगरपालिका - ४ स्थित विरता स्पोट्र्स क्लव गौशालाले आयोजना गरेका प्रदेश स्तरीय फुटबल प्रतियोगिताको आज भएको आयोजक विरता स्पोर्ट्स क्लव र एभरेष्ट क्लव लालबन्दी सर्लाही बीचको फाईनल खेलमा शुन्यको विरुद्ध १ गोलको प्रहार गरी आयोजक विरता क्लवले विजयी प्राप्त गरेका हुन् ।निकै रोमाञ्चक र घमासान खेलमा विरताका जर्सी नं. ७ का खेलाडी त्रिजन मगरले गरेको १ गोल नै निणर्ायक साबित भयो ।

प्रतियोगितामा प्रथम स्थान हासिल गर्न सफल वीरता स्पोर्टस क्लव गौशाला महोत्तरीलाई साट्ठी हजार राशी सहित मेडल र कप हात पारे भने दोश्रो पुरस्कार एभरेष्ट क्लब लालबन्दी सर्लाहीले तीस हजार सहित मेडल र कप प्राप्त गरेका छन् ।प्रतियोगिताको म्यानअफ द म्याच पुरस्कार पनि जर्सी नं. ७ का खेलाडी त्रिजन मगरलाई प्रदान गरियो भने म्यान अफ द सिरीजको पुरस्कार अनिल पाँचेलाई प्रदान गरियो ।

प्रतियोगिताको समापन समारोहका प्रमुख अतिथि नेपाली काँग्रेसका नेता प्रहलाद क्षेत्रीले आफु यस क्षेत्रको नभए पनि युवाहरु खेलमा जागरुक हुनु समाज र राष्ट्रको लागि नै राम्रो भएको बताए । उनले यस क्षेत्रका खेलाडीहरुको हौसला प्रदान गर्न तन,मन र धनले सहयोग गर्न तयार रहेको बताए ।त्यसै गरी समापन समारोहका विशिष्ट अतिथिको रुपमा रहेका गौशाला नगरपालिकाका वडा नं. ४ का वडा अध्यक्ष रामबाबु साहले वीरता स्पोर्टस क्लवले फुटबल प्रतियोगिता संचालन गरेकोमा धन्यवाद प्रकट गर्दै कुलतमा फसेका युवाहरुलाई बढी भन्दा बढी खेलमा सहभागी गराई कुलतबाट बचाउन यस्तो खेलले मद्दतले गर्ने बताए ।उनले आउने दिनहरुमा पनि आफु जननिर्वाचित भए पनि नभए पनि यस क्षेत्रमा आफ्नो साथ सहयोग हमेशा रह्ने र यस नगरपालिकाका युवाहरुलाई खेल जगतमा अगाडी बढाउने प्रतिवद्धता जनाए ।कार्यक्रममा राजनितिकर्मी, जनप्रतिनिधि, संचारकर्मी लगायतका प्रतियोगितामा विभिन्न क्षेत्रबाट सहयोग गर्नेहरुलाई सम्मान गरिएको थियो ।