महोत्तरी- महोत्तरीको सोनमा गाउँपालिकाको एक मोटरसाइकल रिपेरिङ सेन्टर (ग्यारेज)मा आगलागी भएको छ ।

सोनमा गाउँपालिका– १ स्थित सोनमा बजारमा सञ्चालित जयबाबा विश्वकर्मा मोटरसाइकल सेन्टरमा शनिबार राति आगलागी भएको हो ।

स्थानीय अनुरुद्र साहले सञ्चालन गरेको मोटरसाइकल सेन्टरमा आगलगी हुँदा घर, मोटरसाइकल, मोटरसाइकलको टायर, ट्युब, ट्र्याक्टरका टायर, ट्युब, मोबिल र विभिन्न पार्टपुर्जा जलेर नष्ट भएको छ।

आगलगीबाट ३५ लाख बराबरको क्षति भएको महोत्तरीका प्रहरी पक्ता डिसपी प्रकाश विष्टले जानकारी दिए ।

आगो गौशाला नगरपालिकाको दमकल, प्रहरी चौकी रघुनाथपुर, इलाका प्रहरी कार्यालय गौशालाको प्रहरी टोली, स्थानीय बासिन्दाले आगलागी नियन्त्रणमा लिएका थिए ।

आगलागी के कसरी भयो भन्ने विषयमा थप अनुसन्धान भइ रहेको प्रहरीले जनाएको छ ।