ढल्केबर (धनुषा)- धनुषाको ‌मिथिला नगरपालिका-२ मा रहेको हिमालय युवा क्लब मा नि:शुल्क आँखा शिविर सम्पन्न भएको छ।

रेयुकाई एईको मासुनागा आँखा अस्पताल ढल्केबर र मिथिला नगरपालिका को आर्थिक तथा प्राविधिक सहयोगमा धनुषाको मिथिला नगरपालिका वार्ड नं-२ नक्टाझिज स्थित हिमालय युवा क्लबको आयोजनामा आज एकदिने नि:शुल्क आँखा शिविर सम्पन्न भएको हो।

एक दिने यस नि:शुल्क आँखा शिविरमा स्वास्थ्यकर्मीहरुको टोली र श्री गोरखनाथ गण महेन्द्रनगरका स्वास्थ्य टिम द्वारा  १५५ जना आँखा बिरामीहरुले परिक्षण गरि नि:शुल्क औषधि  समेत प्रदान गरिएको आयोजकले बताए । परिक्षण गराएका मध्ये ३५ जनामा मोतियाबिन्दु देखिएको  छ।

३५ जना मोतियाबिन्दु बिरामीहरुलाई फागुन २५ गते  रेयुकाई एईको मासुनागा आँखा अस्पताल ढल्केबर मा नि:शुल्क अपरेशन गरिने हिमालय युवा क्लब नक्टाझिजका संरक्षक तथा कलब का पूर्वअध्यक्ष अरुण कुमार महतोले जानकारी दिए।

हिमालय युवा क्लब नक्टाझिज शिक्षा ,स्वास्थ्य, खेलकुद लगायत विषयमा यस प्रदेश मै अग्रणी भूमिका निर्वाह गर्दै समाजप्रति सधैं क्रियाशील रुपमा खट्दै आएको छ।

यस क्लवले  अघिल्लो शनिबार माघ २९ गते नि: शुल्क  जेनेरल स्वास्थ्य शिविर पनि आयोजना गरेकाे थियो ।