0 Comments
महोत्तरी– महोत्तरीको औरही नगरपालिका सहित मधेशमा आज चैती छठ पर्व अन्तर्गत अस्ताउदो सूर्यलाई अर्घ दिईएकोछ।
चैती छठको आज मूल विधि सौझका अर्घ दिईएको हो।
औरही नगरपालिका वडा १ औरहीबाट बग्ने जङ्गहा खोलामा कार्तिक महिनाको छठ पर्वमा र चैती छठ पर्व गर्नेहरुले जङ्गहा खोलामा जेसिबीले खनेर दुई पटक पानी निकाली छठ पर्व मनाउने गरेका छन्।
यति बेला सो खोलामा करिब ५० घर परिवारका छठ ब्रतालुहरु मनाउदै गरेका छन्। सोहि वडामा पर्ने एक शिवमन्दिर भएर पोखरीमा ३० घर परिवार छठ मनाउने गरेका छन् ।त्यस्तै औरही नगरपालिका ७ सोनामाई भोएल स्थित रहेको शक्ति पिठ मन्दिर सोनामाई मन्दिर अगाडी भएको पोखरीमा करिब ४० घर परिवार चैती छठ पर्व मनाउदै आएकाको छ ।
चैती छठको अबलोकन गर्न आउने श्रद्धालु भक्तजनको भीड लागेको छ ।
चार दिनसम्म अत्यन्त नियम निष्ठाका साथ मनाइने चैती छठको पहिलो दिन ‘नहाय खाय’, दोस्रो दिन दिनभरि उपवास बसेर राति सख्खरमा पकाइएको खिरमात्र खाएर ‘खरना’, तेस्रो दिनअर्थात् षष्टि तिथिमा निराहार उपवास बसेर साँझ अस्ताउँदो सूर्यलाई जलासयमा स्नान गरी उभेर अर्घ्य दिइन्छ, जसलाई ‘सझुका अरख’ भनिन्छ ।
अर्घमा ठकुवा, भुसुवा, मुला, उँखु, भण्टा, ठकुवा, भुसवा, केरा, नरिवल लगायतका सामग्री प्रसादको रुपमा चढाइन्छ ।व्रतालुहरू जागरण बसी भोलिपल्ट चैत्र सुक्ल सप्तमी तिथिका दिन उदाउँदो सूर्यलाई अर्घ्य दिएपछि पर्वको समापन हुने चलन छ। चैती छठ गर्दा हरेक मनोकाङ्क्षा पूरा तथा छालाजन्य रोग कहिल्यै नलाग्ने जनविश्वास छ ।
फोटो तथा भिडियो : धर्वेन्द्र कुमार यादव ‘यदुवंशी’महोत्तरी-/शिरीष न्युज,महोत्तरी
भिडियो
यो खबर पढेर तपाईलाई कस्तो महसुस भयो ?
प्रतिक्रिया
ट्रेन्डिङ
सम्बन्धित खवर
