जनकपुरधाम - जनकपुर–महेन्द्रनगर सडकखण्डको रमदैयास्थित रहेको वन्डरल्याण्ड पार्कमा पुनः कुटाकुट भएको खवर प्राप्त भएको छ । 

धनुषा क्षीरेश्वरनाथ नगरपालिका वडा नं. २ रमदैयास्थित रहेको वन्डर ल्याण्ड वाटरपार्कमा ग्राहक र व्यवस्थापन पक्षबीच कुटाकुट भएको हो । कुटाकुटको कारण भने बाहिर आउन सकेको छैनन् । 

अहिले इलाका प्रहरी कार्यालय महेन्द्रनगरबाट प्रहरी टोली खटेको छ । सशस्त्र प्रहरी समेतको टोली परिचालन गरिएको छ । 

जानकारी अनुसार, वन्डरल्याण्डमा नुहाउने क्रममा दुई पक्षबीच कुटाकुट भएको हो । सो क्रममा वन्डरल्याण्डका सेकुरिटी गार्डसँग समेत झगडा भएको बताईएको छ । 

यसबारे जिल्ला प्रहरी कार्यालय धनुषाले बुझेर मात्र भन्न सकिने बताएको छ । विस्तृत विवरण आउन बाँकी छ ।