औरही,महोत्तरी। महोत्तरीमा खोलाबाट अवैध रुपमा गिट्टी बालुवा उत्खनन गर्ने तीनवटा ट्याक्टर प्रहरीले नियन्त्रणमा लिएको छ । रातु खोलाबाट अवैध रुपमा बालुवा, गिट्टी उत्खनन् गर्न प्रयोग भएको लु ४ त ७७३५, ज २ त ३०१ र प्रदेश नं २–०२–००१ त ७२६२ नम्बरको ट्याक्टरलाई नियन्त्रणमा लिएको हो । तीनैवटा ट्याक्टर बर्दिवास नगरपालिका–३ स्थित रातु खोलाबाट नियन्त्रणमा लिइएको जिल्ला प्रहरी कार्यालय महोत्तरीले जनाएको छ । नियन्त्रणमा लिएको तीनैवट ट्याक्टर आवश्यक कारवाहीका लागि बर्दिबास नगरपालिकाको कार्यालयमा पठाइएको महोत्तरी प्रहरीका प्रवक्ता एवं डीएसपी प्रकाश विष्टले जानकारी दिए ।