राजविराज । सप्तरीमा करेन्ट लागेर एक महिलाको आइतबार मृत्यु भएको छ । सप्तरीको महदेवा गाउँपालिका वडा नम्वर १ पकरी बस्ने बचेन सदाको ५३ वर्षीय श्रीमती अमिरका सदाको करेन्ट लागेर मृत्यु भएको प्रहरीले जनाएको छ । आफ्नै घरमा पानी लिन कल तर्फ जाने क्रममा मोटरमा जडान गरिएको विद्युतको तार खुट्टामा पर्न गाई तार सर्ट भएर करेन्ट लागेको हो । करेन्ट लागेर सिकिस्त भएका उनलाई राजविराजस्थित गजेन्द्र नारायण सिंह अस्पतालमा उपचारको क्रममा मृत्यु भएको जिल्ला प्रहरी कार्यालय सप्तरीका प्रवक्ता एवं डिएसपी माधव प्रसाद काफ्लेले बताए ।