महोत्तरी- महोत्तरीमा लागु औषध सहित शसस्त्र प्रहरीले दुईजनालाई पक्राउ गरेको छ ।

पक्राउ पर्नेमा गोर्खा जिल्ला बुढीगण्डकी गाउपालिका २ निवासी २३ वर्षिय अजय परियार र नुवाकोट जिल्ला विदुर नगरपालिका ७ वस्ने ३० वर्षिय संजय भट्ट रहेका छन् ।

चेकजाँचका क्रममा मोटरसाईकलमा सवार उनिहरुले अगरबत्तीको प्याकेट भित्र लुकाएर ल्याउदै गरेको भारी परिमाणको लागु औषध सहित पक्राउ गरेको हो ।

शसस्त्र प्रहरीले सम्सी गाउपालिका ७ चाँदनी चोकमा प्रदेश नं. ०२ ०२२ प ३४७२ नं. को पल्सर मोटरसाईकलमा सवार दुबैजनालाई कालो झोलामा अगरबत्ती भित्र लागु औषध लुकाएर ल्याउदै गरेको अवस्थामा पक्राउ गरिएको शसस्त्र प्रहरी बल नेपाल नं. ९ गणका गणपति शसस्त्र प्रहरी उपरिक्षक सुरेश सापकोटाले वताए ।

उनीहरुको साथबाट नाईट्राभेट ट्यावलेट २३७० थान(१५८पत्ता),प्रामेफाजीन हाईड्रोक्लोराईड ईन्जेक्सन १२१ थन,ओफिन ईन्जेक्सन ११८ थान,डाईजेल्याव ईन्जेक्सन १७१ थान,डाईजेपाम ईन्जेक्सन ४६ थान उनीहरुसंग फेला पारेको हो । पक्राउ परेका दुवैजनालाई आवश्यक कार्यवाहीको लागि प्रहरीलाई जिम्मा लगाइएको छ ।