धनुषा - धनुषामा एक युवकको घाँटी रेटेर हत्या गरिएकाे अवस्थामा शव फेला परेको छ। धनुषाको नगराइन नगरपालिका ५ स्थित गंगुलीबाट देवडिहा जाने बाटोको छेउमा घाँटी रेटेर ह´त्या भएको अवस्थामा शव फेला परेको प्रहरीले जनाएको छ। जिल्ला प्रहरी कार्यालय धनुषाको अनुसार सिरहाको मिर्चैया नगरपालिका ८ का संजिव पण्डितको घाँटी रेटेर ह´त्या भएको अवस्थामा आइतबार बिहान शव फेला परेको हो । गए राति कसैले घाँटी रेटेर पण्डितको हत्या गरेको हुन सक्ने धनुषाका प्रहरी प्रवक्ता डिएसपी जितेन्द्र बस्नेतले जानकारी दिए । बिहान स्थानीयले शव देखेपछि प्रहरीलाई खबर गरेका थिए ।प्रहरी घटनास्थल पुगेर मुचुल्का गरी शव पोस्टमार्टमको लागि प्रादेशिक अस्पताल पठाएको छ । घटना बारे थप अनुसन्धान भइरहेको डिएसपी बस्नेतले जनाए ।