महोत्तरी। महोत्तरी जिल्लाका युवाहरु मिलेर संचालन गर्दै गाएका विजलपुरा युवा समाज सेवा संस्थाले आज बर्दिवास नगरपालिका १३ भेडियाडी टोल बस्ने करिब २८ वर्षीय रामकुमार मण्डललाई आर्थिक सहयोग गरेका छन् । मण्डल विजलपुरा समाज सेवा संस्थाका साउदी शाखाका सह–सचिव समेत रहेका छन् । विगत ६ महिना देखि बिरामी भएर घरमा थलापरि रहेका मण्डललाई उपचार सोरुप सस्थाले ३७,५५५ आर्थिक सहयोग गरेको संस्थाका केन्द्रिय कोषध्यक्ष उपेन्द्र राउतले बताए । नेपाल घर भई विदेशमा रहेर पैसा संकलन गर्दै आपतविपतमा परेकाहरुलाई राहत प्रदान गर्ने उद्देश्यले विजलपुरा युवा समाज सेवा संस्थाले सहयोग गर्दै आए रहेका संस्थाका संयोजक संजय राउतले बताए । स्थानीय सरकारले गरीब तथा विपन्नहरुलाई परेको बेला कुनै किसिमको सहयोग नगरे पछि महोत्तरीका युवाहरुले खाडीमुलुकमा गएर रगत सुकाई कमाएको पैसाले परेको बेला बखतमा गरीब तथा विपन्न परिवारलाई चाहे अनुसारको नभएपनि थोरै मात्रामा भए पनि सहयोग गर्नु धन्यवादको पात्र बनेकाछन् । विगत एक वर्ष देखी मलेशिया, दुबैई, कतार, भारत, दुबैई, साउदीमा रहेका युवाहरु मिलेर प्रत्येक महिनाको एक व्यक्तिले १ हजार देखि ५ हजार सम्मको रकम उठाएर यस्ता पिडित व्यक्तिहरुलाई सहयोग गरिरहेको संस्थाका अध्यक्ष सगिन्द्र राउतले जानकारी दिनुभयो ।