सिन्धुपाल्चोकको हेलम्बुमा एउटा गोठमा आगलागी हुँदा तीन जना बच्चाको मृ'त्यु भएको छ । स्थानीय सन्त तामाङको घरसँगै रहेको एक तले गोठमा आगो लागेको थियो । मृत्यु हुनेमा गोठमा बसिरहेका सन्तका छोरा ६ वर्षका मनोज, स्थानीय सुकमान तामाङका छोरा पाँच वर्षका मनिष र साइला तामाङका छोरा पाँच वर्षका दिलबहादुर रहेका छन् । सोमबार बेलुका सात बजेतिर आगो लागेपछि उनीहरुको घटनास्थलमै मृ'त्यु भएको छ । सिन्धुपाल्चोकका डिएसपी दक्षकुमार बस्नेतका अनुसार स्थानीय बासिन्दा र प्रहरीको सहयोगमा आगो बेलुका साढे ८ बजेतिर नियन्त्रणमा आएको छ । तीन बच्चाको मृ'त्युपछि हेलम्बु शोकमा डुबेको छ ।