ढल्केवर जनता समाजवादी पार्टीका केन्द्रिय सदस्य रामदहिन राय यादव नेपाल सद्भावना पार्टीमा प्रवेश गरेका छन् । मंगलबार नेसपा जिल्ला कार्यसमिति बाराले आयोजना गरेको नेताकार्यकर्ता तथा भेटघाट कार्यक्रमबीच जसपाका केन्द्रीय सदस्य यादव नेसपा प्रवेश गरेका हुन् । उनलाई नेसपाका केन्द्रीय अध्यक्ष रामकुमार महतोले अबिर माला लगाएर पार्टी प्रवेश गराए । नेसपा प्रवेश गरेका यादवलाई बारा जिल्ला कार्यसमितिमा अध्यक्ष पदको जिम्मेवारी दिइएको पार्टीका महासचिव नागेन्द्र सिंहले जानकारी दिए । महासचिव सिंहकाअनुसार यादवसँगै १२ जना विभिन्न पार्टी परित्याग गरी आएका नेताकार्यकता नेसपा प्रवेश गरेका छन् ।