धनुषा- डिएफआइडीको आर्थिक सहयोगमा Street Child of Nepal (SCoN)को नेतृत्व तथा जानकी महिला जागरण समाज (JWAS), आसमान नेपाल र सहयोगी हातहरुको समुह (SAHAS) नेपालको सहकार्यमा मुसहर बालिका तथा किशेारीहरुको शिक्षा, शशक्तिकरण तथा जीविकोपार्जनका लागि धनुषाको सबैला नगरपालिकाका संचालित Marginalized No More (MnM) परियोजनाको कार्यक्षेत्रको नगरपालिकाले अनुगमन गरेको छ ।

सबैला नगरपालीका वडा न ७ स्थित मटही सिकाई केन्द्रको विहिवार मेयर विजय शंकर प्रसाद साहको नेतृत्वको टोलीले अनुगमन गरेका हुन् । अनुगमनको क्रममा  मेयर साहले  कार्यक्रम संचालन पछि मुसहर समुदायका किशाेरीहरुमा देखिएको परिवर्तन हेर्दा पक्कै पनि कार्यक्रम राम्राे र प्रभावकारी रहेकाे बताए । उनले यस्ता कार्यक्रम निरन्तर चल्नु पर्ने आवश्यक्ता देखिएको हुँदा  अवधि बढाउनु पर्ने  र यसको लागि नगरपालिकाले गर्ने सहयोग गर्न तयार रहेको बताए । नगरपालिकाकाे अनुगन टोलीमा वडा नं ७ का वडा अध्यक्ष राम देब सहनि र नगरपालिकाका शिक्षा प्रमुक राम दुलार यादवको पनि सहभागीता रहेको थियो ।

तराईका धनुषा, महोत्तरी, सिराहा, सप्तरी र सुनसरी गरी पाँच जिल्लाहरुमा विद्यालय जानबाट बञ्चित तथा विद्यालय छाडेका १० देखि १८ वर्ष उमेर समूहका मुसहर किशोरीहरुको शिक्षा, जीविको पार्जन  तथा सशक्तिकरणमा पहुँच अभिवृद्धि गर्ने उद्देश्यले यी जिल्लाका मुसहर समुदायको बाहुल्य रहेको बस्तीहरुमा एक्सेस टु एजुकेशन एण्ड लाइभलिहुड्स फर मुसहर गर्ल्स (मार्जिनलाइज्ड नो मोर) कार्यक्रम सञ्चालन भइरहेको छ ।

कार्यक्रम अन्तर्गत मुसहर समुदायका १० देखि १८ वर्ष उमेर समूहका किशोरीहरुमध्ये १०—१४ वर्ष उमेर समूहका किशोरीहरुलाई साधारण गणितीय सीप तथा साक्षरता सिकाइ विद्यालयमा भर्ना गरिन्छ भने १५—१८ वर्ष उमेर समूहका किशोरीहरुलाई साधारण गणितीय सीप तथा साक्षरता, जीवनोपयोगी शिक्षा मार्फत शशत्तिकरण गरी दैनिक जीवनमा आइपर्ने विभिन्न चुनौतिहरुको सामना गर्नका लागि सक्षम बनाई आफ्नो अधिकार र कर्तव्यको बोध गराउँदै आफ्नो हक र अधिकारका लागि आवाज उठाउन समेत सक्षम गरी जीवीकोपार्जनका लागि विभिन्न सीप तथा व्यवसायका लागि आवश्यक न्यूनतम पुँजी सहयोग गरी जीवनयापनका लागि विभिन्न पेशा र व्ययवसाय छनोटको अवसर प्रदान गरी सहयोग गर्ने गरिएको जावासकी संरक्षण सल्लाहकार लक्ष्मी परियारले बताईन्।

उनले भनिन्, 'किशोरीहरुलाई किशोरीहरुको समूहका रुपमा किशोरी छलफल केन्द्रमा आवद्ध गरी पालिकास्तरमा गठन भएको पालिका स्तरीय बालिका तथा समावेशी शिक्षा सञ्जालमा आवद्ध गराइन्छ जसले गर्दा कार्यक्रमको समाप्तिपछि पनि किशोरीहरुले आ-आफ्नो किशोरी छलफल केन्द्र मार्फत बालिका तथा समावेशि शिक्षा सञ्जालमा आ-आफनो अधिकार, शिक्षा र सशक्तिकरणका लागि सरोकारवालाहरुसँग पैरवी गर्न सक्ने हुनेछन्।'