महोत्तरी - महोत्तरीमा लागु औषध सहित दुईजनालाई प्रहरीले नियन्त्रणमा लिएको छ। औरही नगरपालिका ४ स्थित अस्थाई प्रहरी पोष्ट कटुधारको टोलीले चेकजाँचको कममा सम्सी माईस्थान सडक खण्डमा चेकजाँच गर्दा गौशाला ८ का विवेक कार्की र गौशाला ९ का राकेश साहलाई लागुऔषध सहित नियन्त्रणमा लिएको हो। कार्कीको साथबाट प्रहरीले नाईटाभेट ट्यावलेट १४ पिस,स्पास्मो प्रो ट्यावलेट ८ पिस र साहको साथबाट नाईटाभेट ट्यावलेट २ पिस र स्पास्मो प्रो ट्यावलेट ३ पिस बरामद गरेको हो । परिमाण थोरै भएकोले उनीहरु सेवनकर्ता मात्र हुन सक्ने देखिएपनि अनुसन्धानले थप खुल्ने प्रहरीले जनाएको छ।