जनकपुरधाम - सिरहामा चट्याँग लागेर एक जना किसानको मृत्यू भएको छ । विहिबार सिरहाको कल्याणपुर नगरपालिका वडा नम्बर ६ भक्राहामा खेतमा काम गर्ने क्रममा चट्याङ लागेर एक किसानको मृत्यु भएको हो।

मृतकको पहिचान कल्याणपुर नगरपालिका वडा नम्बर ८ मझौलिया कास्यस्थित वडा कार्यालयमा कार्यरत करिब ४५ वर्षीय कृषक बेच्न रोहीता रहेको छ। 

प्रारम्भिक जानकारीअनुसार उनी गहुँको खेतमा रहेको बेला चट्याङ (ठन्का) परेको र घटनास्थलमै ज्यान गएको बताइएको छ।

घटनापछि स्थानीय प्रशासन र प्रहरी टोली तुरुन्तै घटनास्थलमा पुगेका थिए। मृतकको शवलाई पोस्टमार्टमका लागि प्रादेशिक अस्पताल सिरहा पठाइएको छ ।