औरही,महोत्तरी। महोत्तरीको औरही नगरपालिकामा बाटो निर्माणमा स्टिमेट अनुसार कार्य सम्पादन नभएको पनि भुक्तानी दिलाउन उप मेयर रेणु झाले दबाब दिएकी छिन् । उपमेयर झाले भुक्तानीको लागि दबाब दिएकी सडक निर्माण कार्य नगरपालिकाको योजना अनुसार भएको छैन । उक्त योजनाहरुको झण्डै ५८ लाख भुक्तानी दिनु पर्ने नगर प्रमुख सुनिल कुमार यादवले बताए ।उपमेयर झाले भने अनुसारको भुक्तानी नगरिएपछि अहिले उनि जताततै मेयर यादवको विरुद्धमा लागेकी छिन् । झाले यसरी गर्दै गर्दा आज मेयर यादवले पत्रकार सम्मेलनको आयोजना गरी उपमेयरले भुक्तानी गराउन दबाब दिएको जानकारी दिए ।पत्रकारसम्मेलनमा वार्ड अध्यक्ष, नगर सभा समिति सदस्य र सर्वसाधारण नागरिकको उपस्थित रहेको थियो ।मेयर यादवले भने, ' उपमेयर रेणु झा उपमेयर हो , उहाँलाई उपमेयर भएर बस्नु पर्नेथ्यो । तर, यहाँ उपमेयर नै ठेकेदार भए झैं गर्दै आएको ले ५८ लाखको विवाद उत्पन्न भएको छ । उहाँले ५८ लाख बाँकी बक्यौताको विल भर्पाई उपभोक्ता समिति हुँदै कार्यालयमा आएपछि हामी भुक्तानी दिन तयार हुने बताउँदै थप्नुभयो, तर उपमेयर ले यो मेरो काम हो, मैले गराएको छु , मलाई भुक्तानी दिनु भन्दै आएको ले सो रकम भुक्तानी हुन नसकेको हो ।'मेयर यादवले उपमेयर झाले कानुन बिपरित रकम भुक्तानी मांग गर्दै आएकोले त्यो गर्न नसकिने बताए । सो पत्रकार सम्मेलनमा उनले अरु पालिकाहरुमा लाखौ बेरुजु रहेको लेखापरिक्षकले सार्वजनिक गरिसकेको बताउँदै उनले औरही नगरपालिकामा ५ हजार बेरुजु पनि कसैले देखाउन सक्दैन भनेर गर्वका भन्न सक्ने बताए ।सो पत्रकार सम्मेलनमा संचारकर्मीहरुले राखेका विभिन्न जिज्ञासाको क्रममा मेयर यादव ले बिगत चार वर्षमा औरही नगरपालिकामा शिक्षा क्षेत्रमा मात्र नभएर स्वास्थ्य तथा सडक निर्माणमा समेत विकास भएको बताए। उनले भने , 'प्रत्येक वडामा स्वास्थ्य चौकीको लागि १÷१ कठ्ठा जमिन र पन्ध्र बेडको हस्पिटल निर्माण गर्नको लागि १४ कठ्ठा जमिन उपलब्ध गराएको छु । पहिला यो पालिका गाउँ जस्तो लाग्ने गर्दथ्यो । तर, हामीले यसलाई नगरपालिका स्वरूपमा विकास गरेका छौं। तपाइँहरु हेर्न सक्नु हुन्छ ।