महेन्द्रनगर- अन्तराष्ट्रिय खोःखो खेलाडी तथा राष्ट्रिय निर्णायक प्रह्लाद कार्कीको असामयिक निधन भएकोमा श्रद्धान्जली कार्यक्रम अर्पण गरिएको छ ।

धनुषाको क्षिरेश्वरनाथ नगरपालिका महेन्द्रनगर हनुमान चोक स्थित श्री क्षिरेश्वर स्पोर्ट क्लब परिवार द्धारा सवारी दुर्घटनाको क्रममा देहान्त भएका भएका क्षिरेश्वरनाथ नगरपालिका वडा नं. ५ महेन्द्रनगर निवासी अन्तराष्ट्रिय खोःखो खेलाडी तथा राष्ट्रिय निर्णायक प्रह्लाद कार्कीको स्मृतिमा  श्रद्धान्जली कार्यक्रमकाे आयोजना गरेकाे हाे ।

गत कार्तिक २४ गतेका महेन्द्रनगरमा भएको मोटरसाईकल दुर्घटनामा उनकाे दुखद निधन भएको थियो ।

श्रद्धान्जली कार्यक्रममा क्षिरेश्वरनाथ नगरपालिकाका नगर प्रमुख योगेन्द्र पजियारले दिवंगत आत्माको चिरशान्तिको कामना  गर्दै श्रद्धान्जली अर्पण गर्नुको साथै, शोकाकुल परिवारजनमा समवेदना व्यक्त गर्दै नगरकाे एउटा होनहार खेलाडी  तथा प्रशिक्षक गुमाएबकोमा दु:खी भएको बताए ।

उनले आउने  दिनमा खेलाडीहरु प्रति आफनो व्यक्तिगत तर्फबाट र क्षिरेश्वरनाथ नगरपालिकाको प्रमुखको हैसियतले सधैँ साथ सहयोग रहने प्रतिवद्धता समेत जनाए ।

कार्यक्रममा क्षिरेश्वर स्पोर्ट क्लबका अध्यक्ष केवल मुखिया र क्षिरेश्वरनाथ नगरपालिका कार्यपालिका सदस्य खोःखो खेलको प्रक्षिशक विरेन्द्र सिंह श्रद्धान्जली व्यक्त गर्दै भावुक बनेका थिए उनले आफूले एउटा असल इमन्दार साथी गुमाएको बताए ।

श्रद्धान्जली कार्यक्रममा धनुषा जिल्ला कवडी संघका अध्यक्ष सरोज सिंह, अन्तराष्ट्रय कवडी खेलाडी संजय श्रेष्ठ, कल्यान भुजेल, खोःखो अन्तराष्ट्रीय खेलाडी बुद्ध थापा, मिलन सिंह लगायतका प्रशिक्षक, खेलाडीहरुको उपस्थिती रहेको थियो ।