ढल्केवर-  धनुषाको ढल्केवरमा जारी महोत्सवमा आज (बुधवार) चर्चित गायिक ज्योती मगर आउने भएकी छिन् ।

दोश्रो ढल्केवर औधोगिक व्यापार मेलामा महोत्सवको माहोल तताउन कलाकार मगर ढल्केवर आउन लागेको आयोजक थुप्तेन युवा क्लवका अध्यक्ष धावा लामाले जानकारी दिए ।

पुस ४ गतेसम्म चल्ने औधोगिक व्यापार मेलामा कृषि, पर्यटन, उद्योग, व्यापार एवं सूचना प्रविधिको बृहत प्रदर्शनी हुने आयोजक क्लवका अध्यक्ष लामाले जनाए ।

धार्मिक, पर्यटकीयस्थलको चिनारी, कला, संस्कृती, घरेलु हस्तकला तथा लघु उद्यमका उत्पादनको पनि सो मेलामा प्रदर्शनी गरिने उनले बताए ।

स्थानीय थुप्तेन युवा क्लवको आयोजनामा ‘शान्ति समृद्ध उद्योग र व्यापार राष्ट्र निर्माणको बलियो आधार’ भन्ने मूल नाराकासाथ दोश्रो ढल्केवर औधोगिक व्यापार मेला गएको शुक्रवारदेखि सुरु भएको हो ।

उनका अनुसार मेलामा उपभोक्तालाई एकै थलोबाट सम्पूर्ण सामान उपलब्ध हुने व्यापारिक स्टलहरु पनि रहेको बताइएको छ । मेलामहोत्सवमा हरेक दिन राष्ट्रिय तथा अन्तराष्ट्रिय स्तरका ख्यातिप्राप्त कलाकारहरुबाट मनोरञ्जन गराउने कार्यक्रम रहेको आयोजकले जनाएको छ ।