ढल्केवर(धनुषा)- अमेरिकी सहयोग परियोजना(एमसीसी) विरुद्ध धनुषाको ढल्केवरका युवाहरु सडकमा उत्रिएका छन् । एमसीसी राष्ट्रघाती परियोजना भएको भन्दै हातहातमा प्लेकार्ड बोकेर युवाहरु सडकमा उत्रिएका हुन् ।

सामाजिक कार्यमा सक्रिय भूमिका निर्वाह गर्दै आइरहेका ढल्केवरस्थित मिथिला युवा संजालको नेतृत्वमा संजालका पदाधिकारी तथा स्थानीय युवाहरुले एमसीसीको विरोधमा प्रदर्शन गरेका छन् ।

ढल्केवरस्थित पूर्वपश्चिम लोकमार्गमा ‘एमसिसी चाँहिदैन—देश बेच्न पाइँदैन’, विदेशी दलाल होशियारजस्ता एमसीसी विरुद्ध नाराहरु लेखिएको प्लेकार्ड बोकेर उनीहरुले केहीबेर चर्को नाराबाजी समेत गरेका थिए ।

एमसीसी विरुद्ध पहिलो चरणमा सांकेतिक प्रदर्शन गरिएको मिथिला युवा संजाल ढल्केवरका उपाध्यक्ष विवेक कुमार ठाकुरले बताए ।