काठमाडौँ । स्थानीय निर्वाचनका लागि उम्मेदवार टुङ्गो लगाउन नेपाली काँग्रेसले केन्द्रीय कार्यसम्पादन समितिको बैठक आज (शनिबार) बस्दै छ ।

बिहान ११ बजे सानेपास्थित पार्टी केन्द्रीय कार्यालयमा बैठक तय भएको मुख्यसचिव कृष्णप्रसाद पौडेलले जानकारी दिए ।

हिजो (शुक्रबार) दिउँसो बस्ने भनिएको बैठक आज बिहानको लागि सारिएको थियो ।

बैठकमा स्थानीय तह चुनावका लागि पार्टीबाट उठाउने उम्मेदवार र महानगरको उम्मेदवार टुङ्गो लगाउने बारे छलफल हुने उनले बताए ।

सत्तारुढ गठबन्धनमा काँग्रेसलाई महानगरतर्फ ३ र ७ वटा उपमहानगरको प्रमुख भागमा परेको छ ।