प्रदेशस्तरिय तेक्वान्दो च्याम्पियनसिप बर्दिवासमा हुने भएको छ ।

क्रियटिभ तेक्वान्दो डोजाङ्गको आयोजनामा हुने उक्त खेल शुक्रबार र सनिवार बर्दिवास स्थित विविएस बोर्डिङको प्राङ्गणमा  हुने आयोजक पक्षले जनाएको छ ।

मधेश प्रदेशभरिका झण्डै १ दर्जन कलवहरु सहभागी हुने उक्त खेलमा २ सय भन्दा बढी खेलाडी सहभागी हुने क्रियटिभ तेक्वान्दो डोजाङ्गका अध्यक्ष छेवाङ्ग लामाले जानकारी दिए ।

६ बर्ष देखि १८ बर्षसम्मका वालवालिका तथा किशोरहरु सहभागी हुने उक्त खेलमा वजन अनुसार प्रतिस्पर्धा हुनेछ ।

खेलमा फाइट र पुम्से विधा राखिएको छ । यहि विधामा नै निर्धारित खेलाडीहरु रोमाञ्चक प्रतिस्पर्धा गर्ने तेक्वान्दो गुरु समेत रहेका लामाले वताए ।

कार्यक्रमको स-प्रायोजन भने मा सुसान्त मार्केटिङले गरेको छ ।