महोत्तरी - औरही नगरपालिका औरहीस्थित जनता आधारभूत विद्यालयमा चलचित्र साक्षरतामार्फत सामाजिक चेतना र सिर्जनशीलताको अभिवृद्धि कार्यक्रम सम्पन्न भएको हाे ।जनता आधारभूत विद्यालय औरहीमा चलचित्र साक्षरतामार्फत सामाजिक चेतना र सिर्जनशीलताको अभिवृद्धि गर्दै ।

साेमबार सरिता फाउन्डेसन जनकपुरका निर्देशक तथा अध्यक्ष सरिता साहको नेतृत्वमा आयोजित उक्त कार्यक्रममा विद्यार्थी र शिक्षकहरूसँग प्रत्यक्ष संवादको अवसर प्राप्त भएको हाे ।कार्यक्रममा लेखन, निर्देशन र अभिनयमा आधारित तीनवटा सन्देशमूलक सर्ट फिल्महरू प्रदर्शन गरियो । सर्ट फिल्महरू मार्फत चलचित्र साक्षरताको विषयमा छोटो तर अर्थपूर्ण संवाद पनि सञ्चालन गरिएकाे हाे ।

शिक्षा र सिर्जनशीलताको समायोजन: औरहीमा सरिता फाउन्डेसनको अभिनव प्रयासयस अवसरमा सरिता फाउन्डेसनका अध्यक्ष सरिता साहले चलचित्रलाई सामाजिक रूपान्तरण र चेतनामूलक अभिव्यक्तिको प्रभावकारी माध्यम भएको उल्लेख गर्दै भनिन्, “शिक्षा र सिर्जनात्मकताको संयोजनले विद्यार्थीहरूको सोच र दृष्टिकोणमा सकारात्मक प्रभाव पारेकाे हाे ।”

कार्यक्रमले विद्यार्थीहरूमा सिर्जनशील सोचको विकास गर्नुका साथै सामाजिक यथार्थप्रति संवेदनशील बनाउने प्रयास गरेको हाे । साे कार्यक्रममा सन्देशमूलक कथा र दृश्य भाषामार्फत समाजमा सकारात्मक परिवर्तन ल्याउने उद्देश्य राखिएको यस प्रकारका कार्यक्रमहरू आगामी दिनमा पनि निरन्तरता दिइने प्रतिबद्धता व्यक्त गरिएको हाे ।

विद्यालय तहमा विद्यार्थीहरू लागि चलचित्र साक्षरताको महत्व : सोच, संचार र सृजनशीलताको समृद्धिसरिता फाउन्डेसनका अनुसार आधुनिक शिक्षाको सन्दर्भमा चलचित्र साक्षरता दिन प्रतिदिन महत्वपूर्ण बन्दै गएको छ । विशेषगरी विद्यालय तहका विद्यार्थीहरूका लागि चलचित्र साक्षरताले उनीहरूको बौद्धिक, सामाजिक र सिर्जनात्मक विकासमा उल्लेखनीय भूमिका खेलिरहेको हाे ।

विशेषज्ञहरूका अनुसार चलचित्र साक्षरताले विद्यार्थीहरूमा आलोचनात्मक सोचको विकास गर्न मद्दत गर्छ । विद्यार्थीहरूले चलचित्रहरूलाई केवल मनोरञ्जनको साधनका रूपमा मात्र नलिई, तिनमा समेटिएका सामाजिक सन्देश, सन्दर्भ र दृष्टिकोणहरू बुझ्ने क्षमताको विकास गर्छन् । यस्तो अभ्यासले उनीहरूलाई सामाजिक विषयवस्तुमा गहिरो विश्लेषण गर्न सक्ने बनाउँछ ।

त्यसैगरी चलचित्रहरू दृश्य भाषा र संवादमार्फत विचार तथा भावना अभिव्यक्त गर्ने प्रभावकारी माध्यम भएकाले संचार सीपको सुधारमा पनि यसले सहयोग पुर्‍याउँछ । चलचित्र हेरेपछि आफ्ना विचार व्यक्त गर्ने अभ्यासले विद्यार्थीहरूलाई स्पष्ट र प्रभावशाली ढंगमा संवाद गर्न प्रेरित गर्छ ।

यस्ता अभ्यासहरू विद्यालय तहमै सुरु गर्दा विद्यार्थीहरूको सम्पूर्ण व्यक्तित्व विकासमा टेवा पुग्ने शिक्षाविद्हरूको विश्वास छ । चलचित्र साक्षरतामार्फत शिक्षामा नवीनता भित्र्याउने प्रयासहरू आजको समयको आवश्यकता बनेको छ ।विद्यालय परिवारको सक्रिय सहभागिता, विद्यार्थीहरूको उत्साहजनक सहभागिता र आयोजकको लगावले कार्यक्रमलाई थप प्रभावकारी बनाएको हाे ।

कार्यक्रम सफल बनाउन विशेष योगदान पुर्‍याउनु भएका सम्पूर्णमा सरिता फाउन्डेसनका अध्यक्ष साहले हार्दिक आभार व्यक्त गर्नुभएकाे हाे ।