एजेन्सी,सीतामढी- सीतामढीको सबैभन्दा व्यस्त क्षेत्र मेहसौलमा शनिवार अपराधीहरुले गोली हानी व्यवसायीको हत्या गरेको छ ।
सीतामढी वडा नं. २४ मेहसौल बस्ने जग्गा व्यवसायी वसीम अनवर खान (पुटु खान)लाई शनिबार मोटरसाइकलमा सवार तीन जना अपराधीहरूले गोली हानी हत्या गरेका छन्।

खानलाई गोली लागेपछि घाइते अवस्थामा एक निजी अस्पतालमा भर्ना गरिएको थियो जहाँ चिकित्सकहरुले उनलाई मृत घोषित गरेका थिए । मृतक राजी अहमद खानका पाँच छोरामध्ये जेठा रहेको बताइएको छ ।

घटनाको जानकारी पाए लगतै एसपी अमित रञ्जन, एसडीपीओ रामकृष्ण, शहर प्रहरी चौकीका इन्चार्ज विनय प्रताप सिंह, मेहसौल प्रहरी चौकीका इन्चार्ज फराज हुसेन लगायत ठूलो संख्यामा प्रहरी टोली घटनास्थलमा पुगेर अनुसन्धान सुरु गरेको छ।

जानकारी अनुसार, वसीम अनवर खान उर्फ पुटु खान बिहान ९ बजेतिर आफ्नो घरतिर जाँदै गर्दा अपाचे बाइकमा सवार तीन जना अपराधीले उनलाई पछ्याउदै उनको घरको ढोका नजिकै घेरेर टाउकोमा गोली हानेका थिए ।

घटनाको जानकारी पाउने बित्तिकै उनका सयौं समर्थकहरू सदर अस्पताल र महसौल चोकमा पुगेर प्रहरी प्रशासनविरुद्ध नाराबाजी गर्न थालेका थिए । महसौल चोक नजिकै जडान गरिएको सीसीटीभी क्यामेराको फुटेज एसपीले अनुसन्धान गरिरहेको छ।

यसैबीच, शहरको व्यस्त चोक र प्रहरी चौकीबाट करिब ५०० मिटरको दूरीमा गोली चलेको घटनाका कारण मानिसहरूमा डर र आक्रोशको वातावरण छ। जानकारीका अनुसार, परिवार र समर्थकहरूले शवलाई सडकमा राखेर विरोध प्रदर्शन समेत गरेका छन । प्रहरी पूर्ण रूपमा सतर्क छ।

प्रहरीले आक्रोशित मानिसहरूलाई सम्झाउने प्रयास गरिरहेको छ, तर मानिसहरू सुन्न तयार छैनन्। मानिसहरू भन्छन् कि अपराधी पक्राउ नपरेसम्म सडक अवरुद्ध रहनेछ।

एसपी अमित रञ्जनले भने कि टोलीले घटनास्थल नजिकै जडान गरिएका सबै सीसीटीभी फुटेजहरू स्क्यान गरिरहेको छ। चाँडै नै अपराधीहरूलाई पहिचान गरी पक्राउ गरिनेछ।