सिरहा। सिरहाबाट चोरी भएको जेसिबी (स्काभेटर) भारत बिहारको मधुबनीमा भेटिएको छ । गोलबजार नगरपालिका ८ चोहर्वाको राज हार्डवेयर पसल अगाडिबाट मंगलबार राति चोरी भएको जेसिबी भारत बिहारको मधुवनी जिल्लाको खुटौना नजिकै सडक छेउमा फेला परेको हो । भारतीय प्रहरीसँगको समन्वयमा खोज तलास गर्दै जाने क्रममा जेसीभी फेला परेको जिल्ला प्रहरी कार्यालय सिरहाका सूचना अधिकारी डिएसपी सुवास बुढाथोकीले जानकारी दिए । बरामद जेसीभी प्रकृया पुरा गरी आजै साहुले चोहर्वा ल्याएका छन् । प्रहरीले चो री मा संलग्नहरुको पहिचान खुलिसकेको बताएको छ । उनीहरुको खोजी कार्य जारी रहेको समेत प्रहरीले जनाएको छ ।