महोत्तरी- महोत्तरीमा भएको दुर्घटनामा घाइते महिलाको उपचारको क्रममा मृत्यु भएको छ । जिल्लाको भंगाहा नगरपालिका–५ राजपुर स्थित पुर्वबाट पश्चिम तर्फ आउदै गरेको ज १ त ३७० न.को ट्रयाक्टरले पैदल यात्रु सोही स्थान बस्ने अन्दाजी बर्ष ७० कि बेचनी देवी महतोलाई ठक्कर दिदा घाइते भएकी थिइन् । उपचारका लागी जनकपुर स्थित रहेका चन्द्रकला अस्पतालमा उपचारको क्रममा मृत्यु भएको प्रहरीले जनाएको छ । ट्रयाक्टर र चालक सोही ठाउँका ३६ वर्षीय विश्वनाथ साहलाई प्रहरीले नियन्त्रणमा लिएको जनाएको छ ।सो घटना सम्बन्धमा थप अनुसन्धान भई रहेको जिल्ला प्रहरी कार्यालय महोत्तरीले जनाएको छ।